Edhe pse po vazhdon të qëndrojë në Shtetet e Bashkuara të Amerikës, së fundmi, Kurti ka bërë homazhe te varrezat e vëllezërve Bytyqi.
Kryeministri i Kosovës, Albin Kurti, ka thënë se nuk do të ndalet së kërkuari drejtësinë për vëllezërit e vrarë në vitin 1999, nga forcat serbe.
“I kam bërë nderimet e mia Agronit, Mehmetit dhe Yll Bytyqit, tre heronjve të vrarë nga Serbia pas luftës. Sakrifica, patriotizmi, humanizmi – këto janë vlerat e ilustruara nga vëllezërit Bytyqi dhe UÇK-ja dhe që e përcaktojnë Kosovën si shtet. Nuk do të pushojmë derisa autorët të përballen me drejtësinë”, ka shkruar Kurti në Twitter.
I paid my respects to Agron, Mehmet & Yll Bytyqi, three heroes murdered by Serbia after the war. Sacrifice, patriotism, humanity—these are the values exemplified by the Bytyqi brothers & KLA, and that define Kosova as a state. We will not rest until the perpetrators face justice. pic.twitter.com/9cV3TR3TM9
— Albin Kurti (@albinkurti) May 22, 2022
Tre vëllezërit Bytyqi në prill të 1999-ës kishin udhëtuar nga Amerika për në Kosovë për t’iu bashkuar batalionit “Atlantiku” të Ushtrisë Çlirimtare të Kosovës, pranë të cilit luftuan deri në përfundim të luftës.
Vëllezërit Bytyqi u arrestuan më 23 qershor të vitit 1999. Pas arrestimit vëllezërit ishin akuzuar për kalim ilegal të kufirit, ku Gjykata për Kundërvajtje në Prokuplje të Serbisë i kishte dënuar me 15 ditë burgim.
Pas vuajtjes së dënimit prej 15 ditëve burgim, vëllezërve Bytyqi ishin zhdukur.