I pari i Leposaviqit, Lulzim Hetemi, ka pritur në takim ministrin e Punëve të Brendshme, Xhelal Sveçlën, ministrin e Administrimit të Pushtetit Lokal, Elbert Krasniqin dhe drejtorin e Agjencisë për Regjistrim Civil (ARC), Blerim Camajn.
“Me qëllim të lehtësimit të ofrimit të shërbimeve për qytetarët” e Leposaviqit, Hetemi ka nënshkruar marrëveshje me Camajn, përmes së cilës do të ofrohen hapësirat e objektit të komunës për zyrtarët e Qendrës së Regjistrimit të Automjeteve dhe të Qendrës së Prodhimit të Dokumenteve.
“Duke pasur parasysh kërkesat e qytetarëve për këto shërbime, do të punojmë maksimalisht që ato të fillojnë të ofrohen sa më parë të jetë e mundshme”, ka shkruar Hetemi në Facebook.