Haradinaj: Qeveria të ndërtojë një “Shtab Krize” që ta parandalojë largimin e të rinjve

Kryetari i AAK-së, Ramush Haradinaj, ka thënë se Qeveria do të duhej të ndërtonte një “Shtab Krize”, në mënyrë që të parandalojë largimin e të rinjve

Grupi Parlamentar i AAK-së ka organizuar tryezën me temën “Liberalizimi i vizave dhe migrimi i qytetarëve”.

Në këtë takim morën pjesë të rinj e reja nga kjo parti, si dhe profesorë universitarë.

Kryetari i Aleancës për Ardhmërinë e Kosovës, Ramush Haradinaj, thotë se Qeveria do të duhej të ndërtonte një “Shtab Krize”, në mënyrë që të parandalojë largimin e të rinjve.

Sipas Haradinajt, rinia e Kosovës ka potencial, vizion, energji, vullnet dhe krahas kësaj shteti duhet t’i shfrytëzojë të gjithë mekanizmat që të krijojë mirëqenie për një të ardhme të sigurt.

“Në tryezën e 8-të të diskutimit adresuam çështjen e migrimit të të rinjve. Për AAK-në, perspektiva e të rinjve në Kosovë është një ndër brengat kryesore që sot i ka vendi ynë. Largimi i të rinjve është një problem serioz që shteti do të duhej ta trajtojë me urgjencë. Sot kur Kosova gjendet në prag të një të drejtë të mohuar padrejtësisht, atë të liberalizimit të vizave, largimi i të rinjve bëhet edhe më shqetësues”, ka shkruar Haradinaj në Facebook.

Tutje, ai tha se lajmet e fundit të pasigurisë, mungesa e investimeve kapitale, mosveprimi i qeverisë për të futur paranë në qarkullim dhe pagat e ulëta janë problem që duhet urgjent të adresohen.

“Lajmet e fundit të pasigurisë, mungesa e investimeve kapitale, mosveprimi i qeverisë për të futur paranë në qarkullim dhe pagat e ulëta janë problem që duhet urgjent të adresohen. Deri sa po flasim, qeveria do të duhej të ndërtonte një ‘Shtab Krize’ për parandalimin e largimit të të rinjve”, shkroi ai.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika