Ish-presidenti i Shqipërisë, njëherit kryetar i Partisë së Lirisë, Ilir Meta, është paraqitur mëngjesin e së mërkurës së 8 nëntorit në Strukturën e Posaçme kundër Korrupsionit dhe Krimit të Organizuar(SPAK).
Burime nga Tirana bëjnë me dije se ish-presidenti do të pyetet rreth çështjes CEZ-DIA.
“Jam thirrur për telenovelën CEZ-DIA, është një telenovelë që është gjykuar nja dy herë, që është rihapur për rastin konkret në dhjetor 2019 nga një kallëzues i rremë që është dënuar 2 herë për shpifje dhe një herë për dhunë në familje”, tha Meta për gazetarin Eni Ferhati.
Në një deklaratë për mediat disa ditë më parë, Meta ishte shprehur se Partia e Lirisë dhe funksionarët e saj kanë qenë të hapur për çdo hetim dhe se ai personalisht do të paraqitet pranë organit të akuzës sa herë ta thërrasin, raporton euronews.al.
Prokurorinë e Posaçme SPAK merret me figurat e larta politike të Shqipërisë dhe i heton këta të fundit për veprime të ndryshme kriminale.