Kryeministri i Kosovës, Albin Kurti, ka pritur sot në takim shefin e sapoemëruar të misionit të parë të Republikës së Kosovës në Poloni, Drilon Gashi.
Në këtë takim është diskutuar për mundësitë e thellimit të mëtutjeshëm të raporteve ndërmjet Kosovës dhe Polonisë, me të cilën vitin e kaluar u formalizuan për herë të parë raportet bilaterale, dhe rolin që do të këtë misioni i ri në Varshavë në realizimin e këtyre synimeve.
Sipas njoftimit të Kryeministrisë, kryeministri Albin Kurti i uroi suksese Gashit në përmbushjen e detyrave, të përgjegjësive e objektivave të përbashkëta, dhe i ofroi bashkëpunim të afërt institucional.
I pranishëm, përkrah kryeministrit Kurti, ishte edhe zëvendësministri i Punëve të Jashtme dhe Diasporës, Kreshnik Ahmeti.