Lideri i Partisë Socialiste të Serbisë (SPS) dhe ministri i Punëve të Jashtme, Ivica Daçiq, lëre që nuk distancohet nga e kaluara gjenocidale e Serbisë, por, përkundrazi, i ka thurur lavde kasapit të Ballkanit, Sllobodan Millosheviq, me urdhrat e të cilit është kryer gjenocid në Kosovë dhe në Bosnje dhe Hercegovinë.
Daçiqi tha se Millosheviqi ishte një shembull se si duhet të duhet dhe mbrohet vendi. Këto komente ai i bëri në prezantimin e nipit të Millosheviqit si pjesë e garës zgjedhore të partisë së tij.
“Milosheviqi u dënua në emër të mbarë vendit dhe popullit dhe sot nipi i tij qëndron me krenari si bartësi i tretë i listës së koalicionit SPS – Serbi e Bashkuar – Të Gjelbrit të Serbisë, duke treguar se idetë e së vërtetës dhe të drejtësisë, dashuria për vendin dhe popullin u transmetohen socialistëve dhe patriotëve të vërtetë gju më gju”, tha ai.
Gjatë luftërave jugosllave të viteve 1990, Daçiqi shërbeu si zëdhënës i Slobodan Millosheviqit.
Ai e mori pseudonimin “Sloba i vogël” – edhe pse ai nuk është i vetmi politikan socialist që etiketohet në këtë mënyrë.