Disa gjëra përmirësohen me kalimin e kohës. Kjo ndodhë edhe me ushqimet, duke përfshirë edhe supën.
Ky është mendimi i pronarëve të restoranit Wattana Panich në Tajlandë.
E vendosur në rrugën Ekkamai, Wattana Panich mund të dallohet lehtësisht nga larg, me një tabelë të madhe që ka shkronja kineze. Ky restorant aktualisht drejtohet nga gjenerata e tretë e familjes në Bangkok, ku tashe e 40 vite shërben supë me të njëjtën lëng mishi.
Nattapon është shef i kuzhinës i cili thotë se tash e sa vite punë kanë ruajtur traditën dhe kulturën e kësaj familje.
“Me përdorim të një metode të lashtë gatimi të njohur në disa kultura, e cila i jep supës një shije dhe aromë unike. Është e vlerësuar me çmime të ndryshme dhe është shumë e shijshme”, ka thënë shefi i kuzhinës Nattapong Kaweenuntawong.
Është një supë me petë viçi e quajtur neua tune. Zihet në një tenxhere gjigante. Mishi i freskët si viçi i papërpunuar në feta, dhe organe të tjera shtohet çdo ditë.
Por, çdo supë të mbetur, ruhet në fund të çdo dite dhe përdoret ditën tjetër. Ka fituar shumë çmime për supë më të mirë në të gjithë Tajlandën, pavarësisht metodës së çuditshme të gatimit por, gjithësesi magjepsëse.
Por, jo vetëm supa e viçit është e njohur në Wattana Panich. Ndër ushqimet e pa rezistueshme e të veçanta në shije janë edhe petët e dhis që zënë vend të rëndësishëm në menynë e këtij restoranti.