Këtë javë pritet që punëtorët e sektorit privat t’i marrin 100 eurot e ndara nga Qeveria e Kosovës.
Ministri i Financave Hekuran Murati, ka bërë të ditur se komisioni deri më tani i ka vërtetuar shumicën e përfituesve që plotësojnë kriteret.
Sipas tij, tahsmë kanë mbetur vetëm disa procedura të nevojshme për ekzekutimin e tyre.
“Për të punësuarit, periudha e aplikimit ka përfunduar javën që shkoi, dhe komisioni deri më tani ka validuar shumicën e përfituesve që plotësojnë kriteret. Tani kanë mbetur të përfundohen vetëm procedurat e nevojshme për ekzekutimin e pagesave, dhe përfituesit që janë validuar do t’i pranojnë paratë në llogaritë e tyre këtë javë”, ka shkruar ai në Facebook.
Ndërkaq, sipas Muratit aplikimi për studentë është ende i hapur, dhe se pasi të përmbyllet ky proces do të procedohen pagesat edhe për ta.