Diplomati i lartë amerikan, Antony Blinken, është takuar me presidentin e Palestinës, Mahmoud Abbas, në Ramallah, i cili është një qytet në Bregun Perëndimor.
Blinken, presidentit palestinez i ka thënë se ShBA ishte e përkushtuar për të ndërmarrë “hapa të prekshëm për të avancuar” një shtet palestinez.
Në një deklaratë më pas, ShBA ka thënë se Blinken “dënoi dhunën ekstremiste kundër civilëve palestinezë në Bregun Perëndimor” dhe ka thënë se do të vazhdojë të këmbëngulë për përgjegjësinë e plotë për ata që janë përgjegjës.
Dje dy djem palestinezë, tetë dhe 14 vjeç, u qëlluan dhe u vranë gjatë një inkursioni të ushtrisë izraelite në qytetin Jenin në Bregun Perëndimor të pushtuar palestinez, raporton BBC, përcjellë Dukagjini.
OKB ka thënë se më shumë se 230 palestinezë janë vrarë në Bregun Perëndimor që nga 7 tetori – shumica nga forcat izraelite, por tetë nga kolonët izraelitë.