Ministri i Shëndetësisë, Arben Vitia ka njoftuar se tashmë ka nisur investimi në Klinikën e Kardiokirurgjisë dhe vlera e investimit në infrastrukturë dhe në pajisje të reja është mbi 750 mijë euro.
Në këtë shumë përfshihet sporteli rinovohet e riorganizohet, dhomat e kujdesit intensiv zgjerohen e riorganizohen, do të rinovohen sallat operative, ndërsa për stafin, arkivat, depo të barnatores dhe depo të materialit kirurgjik hapësira të reja.
“Koha e marrjes së shërbimit: Kohën e pritjes së pacientëve nga 1 vit e kemi ulur në 2 muaj. Ndërsa pas investimit, nga mesi i 2024 nuk do të ketë listë të pritjes”, ka shkruar ministri Arben Vitia.
Vitia ka njoftuar se me dyfishimin e numrit të shtretërve rritet në 400 numri i pacientëve që mund të marrin shërbime nga 300 sa ishte.
Ai ka theksuar se investimi përfshin masat për zvogëlimin e infeksioneve intraspitalore.