Policia e Kosovës ka bërë të ditur se në QKUK ka ndërruar jetë këmbësori që u godit nga një veturë të shtunën e dy dhjetorit, në Prishtinë.
Sipas Policisë, me vendim të prokurorit i dyshuari pas intervistimit është liruar, ndërsa trupi i pajetë i viktimës është dërguar në IML për obduksion.
Ngjarja ka ndodhur dje rreth orës 12:30 në rrugën ‘Bill Klinton’ në Prishtinë.
“I dyshuari mashkull kosovar duke drejtuar automjetin e tij dyshohet se nga pakujdesia ka goditur këmbësorin mashkull kosovar duke i shkaktuar lëndime të rënda trupore. Viktima pasi ka arritur në QKUK, duke mos i përballuar lëndimeve të marra ka ndërruar jetë, vdekjen e të cilit e ka konfirmuar ekipi mjekësor. Me vendim të prokurorit, i dyshuari pa intervistimit është liruar ndërsa trupi i pajetë është dërguar në IML për Obduksion”, thuhet në raport.