Me moton “Nuk ka paqe pa sigurinë e grave” në sheshin “Zahir Pajaziti” në Prishtinë është protestuar në kërkim të drejtësisë për vrasjen mizore të Liridona Ademajt më 29 nëntor dhe për të gjitha gratë që u vranë në Kosovë.
Protestuesit kanë thyer kordonin e policisë dhe kanë kaluar në oborrin e Qeverisë së Kosovës.
Në videon e siguruar nga RTV Dukagjini, protestuesit kanë shpalosur një pankartë me foton e Liridona Ademajt nën mbishkrimin “Drejtësi për Liridonën”.
Duke mbajtur pankarta me mbishkrime si, “Nuk ka paqe pa sigurinë e grave” dhe “Vrasësit e grave në burg”, dhe duke brohoritur “Liri, barazi, solidaritet”, “Drejtësi për Liridonën” dhe “Drejtësi për gratë e vrara”, protestuesit marshuan nga sheshi “Zahir Pajaziti” deri te ndërtesa e Qeverisë së Kosovës në qendër të qytetit.
Ata kanë protestuar duke thënë se “vrasjet e grave duhet të trajtohen me urgjencë kombëtare” dhe “poshtë patriarkati”.
Protestuesit kanë hedhur tym të zi në drejtim të policisë.
Protestohet në Prishtinë pas vrasjes mizore të Liridona Ademajt