Këtë të premte është mbajtur ceremonia e diplomimit për 13 zyrtarët policorë, të cilët përfunduan trajnimin për Njësinë e Mbrojtjes së Afërt.
Në njoftimin e policisë është bërë e ditur se ceremonia është mbajtur në ambientet e Akademisë së Kosovës për Siguri Publike.
Zyrtarët policorë thuhet se kanë mbajtur trajtimin 12-javor nga instruktorë të Policisë së Kosovës të certifikuar ndërkombëtarisht.
Sipas njoftimit të Policisë së Kosovës, të pranishëm në ketë ceremoni të diplomimit ishin drejtori i përgjithshëm i Policisë së Kosovës kolonel Hoxha, Kastriot Jashari nga AKSP-ja, menaxhmenti i lartë i PK-së si dhe eprorë e zyrtarë nga Departamenti i Njësive Speciale të PK-së.
“Të pranishmëve me një fjalë rasti iu drejtua drejtori i PK-së kolonel Hoxha, i cili uroi zyrtarët për përfundimin e këtij trajnimi ndër më sfiduesit në Policinë e Kosovës si dhe në të njëjtën kohë i inkurajoi që të punojnë me profesionalizëm, integritet dhe përgjegjësi”, thuhet në njoftim.