Me ftesë të presidentit të Partisë së Socialistëve Evropianë, Stefan Löfven, kryeministri i Republikës së Kosovës, Albin Kurti, ka shkuar në Bruksel.
Kështu ka njoftuar zyra e kryeministrit, në njoftimin e së cilës thuhet se Kurti do të marrë pjesë në takimin përgatitor të Këshillit të Bashkimit Evropian me kryeministra.
Në këtë takim pritet të diskutohet rreth agjendës së Këshillit.
“Kryeministri Albin Kurti ka udhëtuar drejt kryeqytetit të Belgjikës për të marrë pjesë në takimin përgatitor të Këshillit të Bashkimit Evropian me kryeministra, liderë partiakë dhe komisionerë nga radhët e familjes së PES dhe për të diskutuar rreth agjendës së Këshillit”, thuhet në njoftim.