Një aeroplan i kompanisë “Japan Airlines” u kaplua nga zjarri pas aterimit në pistën e aeroportit “Haneda” në Tokio. Në pamjet e publikuara nga transmetuesi publik, NHK, shihet flaka e madhe në aeroplan.
Kompania ka thënë se të gjithë 379 pasagjerët dhe ekuipazhi i aeroplanit janë evakuuar, sipas agjencisë “Reuters” dhe televizionit NHK.
Këto dy mediume kanë raportuar se aeroplani i pasagjerëve mund të jetë përplasur me një aeroplan të rojës bregdetare japoneze, raporton BBC.