Kryeparlamentari, Gauk Konjufca, ua ka uruar Krishtlindjet serbëve ortodoksë të Kosovës.
Konjufsca ka thënë se mesazhet e paqes, solidariteti e respektit qofshin ato të cilat përshkojnë këtë ditë feste.
“Në frymën e mirësisë ndaj njëri-tjetrit dhe shpresës së përbashkët për njëri-tjetrin me të cilën vjen kjo festë, dëshiroj që të gjithë qytetarëve tanë serbë të besimit ortodoks t’ua uroj Krishtlindjen! Mesazhet e ngrohtësisë, paqes, solidaritetit dhe respektit qofshin ato të cilat përshkojnë këtë ditë të kremtimit e festimit. Gëzuar Krishtlindjen e kalendarit julian, mbarësi e gëzime në familjet tuaja!”, ka shkruar Konjufca.