Krenare Sogojeva – Dërmaku, komisionere për Informim dhe Privatësi, në “Debat Plus” në RTV Dukagjini, ka thënë se Agjencia për Informim dhe Privatësi në projektin e kamerave në kryeqytet është kyçur të premten e kaluar.
“Ne ende muk i kemi parë specifikat e projektit. Ende projekti nuk ka filluar. Projekti është marrë, ka përfunduar, nuk është fare përgjegjësi e agjencisë”, ka thënë Sogojeva – Dërmaku.
Ajo ka thënë se përgjegjësi e agjencisë është të jetë gardian i zbatimit të këtij projekti.
“Agjencia për Informim dhe Privatësi (AIP) do të jetë gardian i privatësisë së qytetarëve”, ka thënë ajo.
Ndryshe, kryetari i Prishtinës, Përparim Rama, më 3 janar të janarit ka bërë të ditur se së shpejti në kryeqytet do të vendosen kamerat me inteligjencë të lartë artificiale.
Lexo dhe: Rama: Së shpejti do të vendosën kamerat e sigurisë me intelegjencë të lartë artificiale në Prishtinë
Rama ka njoftuar se këto kamera po vendosën për herë të parë në Prishtinë, dhe se ato janë prodhim amerikano – kanadez.
Ai ka bërë të ditur se, përmes këtij sistemi, do të identifikohen në kohë rekord personat e përfshirë në vjedhje, rrahje apo çfarëdo vepre të tillë.