Në ditën e tretë të pjesëmarrjes në Forumin Ekonomik Botëror, në Davos, kryeministri i Kosovës, Albin Kurti, zhvilloi një takim dypalësh me kryeministrin e Bullgarisë, Nikolai Denkov.
Sipas njoftimit të zyrës së kryeministrisë, gjatë takimit u diskutua për marrëdhëniet bilaterale.
“Së bashku folën për marrëdhëniet bilaterale, për 13 marrëveshjet e nënshkruara deri më tani ndërmjet dy vendeve dhe 7 të tjera që janë në proces të finalizimit, për bashkëpunim ndërshtetëror dhe rajonal si dhe situatën e sigurisë në rajon”, thuhet në njoftim.
Kurti e falënderoi homologun e tij bullgar për mbështetjen që Bullgaria i ka dhënë Kosovës në procesin e liberalizimit të vizave, për përkrahjen aktive në procesin e anëtarësimit në Këshillin e Evropës dhe për kontributin në fushën e sigurisë e të mbrojtjes përmes pjesëmarrjes së saj në misionin e KFOR-it.