Avokati serb, Çedomir Stojkoviq, sot ka bërë homazhe te varrezat e familjes Jashari në Prekaz. Ai, në Debat Plus, tha se ndjen mllef e dhimbje për krimet të cilat i ka kryer Serbia në Kosovë.
Ai tha se në Prekaz bëri homazhe dhe ndjeu mllef për jetët e pafajshme që u humbën.
Avokati theksoi se Serbia ka bërë krime të tmerrshme në ish-Jugosllavi, duke përmendur Kosovën, Bosnjën e Kroacinë.
“Regjimi ka bërë krime të tmerrshme ndaj të gjithë popujve të ish-Jugosllavisë, ka kryer krime në Kroaci, Kosovë, Bosnjë. Por edhe në Serbi, serbët që donin ndryshime janë vrarë”, tha ai.
“Që një kohë të gjatë ndjej një mllef të madh për shkak të krimeve që janë kryer në territorin e ish-Jugosllavisë. Ky mllef është mbi të gjitha sepse nëse unë kuptoj, nëse nuk e shikojmë të vërtetën në sy, gjeneratat pas nesh, fëmija im e i juaj, do ta shikojnë njëri-tjetrin me urrejtje. Fëmijë të tillë nuk kanë të ardhme, vetëm ata që e shohin njëri-tjetrin, me respekt kanë të ardhme”
Ai tha se ndjen të njëjtën dhimbje për fëmijët e vrarë në Kosovë dhe për ata në Serbi pa marrë parasysh si kanë ndodhur.