Dy persona janë arrestuar në Mitrovicë Veriore, pasi dyshohet se kanë kryer veprat penale “grabitje”, “vjedhje e rëndë” dhe “vjedhje”, në katër raste.
Lajmin për Dukagjinin e ka konfirmuar zëvendësdrejtori i policisë për rajonin e veriut, Veton Elshani, i cili ka thënë se dy të dyshuarit janë arrestuar rreth orës 19:30, vetëm 1 orë e gjysmë pas kryerjes së vjedhjes së katërt.
Rasti i parë ka ndodhur më 11 janar në rrugën “Knjaz Millosh”, ku një grua serbe ka qenë viktimë e grabitjes, duke i vjedhur 50 euro, 4000 dinarë dhe dokumentet personale të Shtetit të Kosovës dhe Serbisë.
Kjo është vazhduar me rastin e dytë më 13 janar, ku një gruas së re serbe i është vjedhur çanta e krahut ndërsa ecte në rrugë vetëm, duke humbur edhe dokumentet zyrtare.
Rasti i tretë ka ndodhur më 20 janar në rrugën “Kral Petar”, ku një grua serbe është bërë viktimë e vjedhjes së çantës së krahut, duke humbur një telefon, një sasi të vogël parash dhe dokumentet e Kosovës dhe Serbisë.
Rasti i fundit, më 22 janar në rrugën “Knjaz Millosh”, ka përfshirë një po ashtu një grua serbe të re, të cilës i është vjedhur nga çanta e krahut, duke humbur dokumentet personale të Kosovës dhe Serbisë.
Te dyshuarit, Njazi Salihu dhe Senad Hajdini, janë arrestuar mbrëmjen e 22 janarit nga Policia e Stacionit Policor në Mitrovicë Veriore.
Gjatë bisedës me të dyshuarit, ata kanë pranuar fajësinë dhe kanë treguar se kanë vjedhur çantat nga viktima.
Deri tani, janë gjetur 3 çanta së bashku me dokumentet.
“Gjata bisedës me të dyshuarit, t♪7 njëjtit janë treguar bashkëpunues dhe kanë pranuar se i kanë vjedhur çantat dhe së bashku me të dyshuarit janë gjetur deri më tani 3 çanta së bashku me dokumentet”, ka thënë Elshani për Dukagjinin.
Në konsultim me Prokurorin e Shtetit, është vendosur masa e ndalimit për të dyshuarit deri në 48 orë.