Ministri për Çështje Evropiane i Çekisë, Martin Dvorak, do të jetë për vizitë zyrtare sot në Kosovë. Ai do të takohet me presidenten e vendit, Vjosa Osmani, kryeministrin Albin Kurti dhe zëvendëskryeministrin e parë Besnik Bislimi.
Takimi në mes të Osmanit dhe Dvorak pritet të nisë nga ora 09:15, ndërsa kreu i qeverisë do ta presë atë në orën 10:15.
Ndërsa, 45 minuta më vonë, Dvorak do t’i shkojë për takim edhe zëvendëskryeministrit Besnik Bislimi, me të cilin gjysmë ore më vonë do të dalin në konferencë të përbashkët për medie.