Anton Quni, deputeti nga Lidhja Demokratike e Kosovës (LDK) ka folur për vrasjet në Kosovë, ku sipas tij, Kosova dhe institucionet e sigurisë që nga pas lufta janë duke u ballafaquar me këtë fenomen, por motivet e këtij fenomeni janë të ndryshme.
Quni, ka thënë se me vrasjet në Kosovë, duhet të merren organet e rendit, dhe duhet të ketë bashkëpunim shoqëror për parandalimin e këtyre fenomeneve.
Ndërsa ai ka shtuar se këto janë “situata që lënë pasoja të rënda jo vetëm për familjen, por, për të gjithë shoqërinë edhe më gjerë”.
Sipas tij, këto raste nuk po ndalen sepse, “janë disa institucione të cilat nuk po e përfundojnë punën e tyre edhe pse po paralajmërohen”, ka thënë Quni në FIVE.
Tutje ai ka thënë se organet e rendit duhet ta kenë një nivel më të lartë të vëmendjes për këto raste.