Pasi shkarkoi kryetari i Prishtinës, Përparim Rama, zëvendësen e tij, nënkryetaren nga radhët e PDK-së, Donjeta Sahatçiu, kanë filluar edhe reagimet nga partia e kësaj të fundit.
Nënkryetarja e PDK-së, Vlora Çitaku, ka thënë se “lojërat e ndyta politike janë posaçërisht të rënda për gratë profesioniste e të pakompremetuara”.
“Shkarkimi përmes Facebook është më i lehtë kur mungojnë argumentet”, ka shkruar ajo, duke shtuar se është krenare që nuk ka pranuar të jetë “pjesë e skemave abuzive qoftë me pronat në Badovc, qoftë në procesin e digjitalizimit”.
Çitaku tutje ka shtuar se të parit të kryeqytetit do t’i japin përgjigje të “merituar”.
”E Përparimit përgjien e merituar do t’ia japim zyrtarisht. Jo në Facebook”, ka shkruar ajo.
Ndërsa, lidhur me shkarkimin e Sahatçiut, ka reaguar edhe deputetja e PDK-së, Eliza Hoxha.
Ajo ka thënë se “Goxha thellë BADOVCI për ata po notojnë në të”, ka shkruar Hoxha në Facebook.
Përmes një njoftimi në Facebook, kryetari i Prishtinës ka njoftuar për shkarkimet dhe emërimet e reja në kryeqytet. Këto ndryshime në kabinetin e Ramës kanë vënë në pikëpyetje koalicionin mes LDK-së dhe PDK-së në kryeqytet.
Jehona Lushaku emërohet nënkryetare e komunës së Prishtinës në vend të Donjeta Sahatçiut