Kryetari i Partisë Demokrtaike të Kosovës (PDK), Memli Krasniqi, ka reaguar lidhur me shënimin e 54-vjetorit të themelimit të Universitetit të Prishtinës “Hasan Prishtina”.
Krasniqi ka thënë se në këtë ditë kujtojnë me nderim të gjithë akademikët, profesorët dhe studentët ndër breza.
“Me rastin e shënimit të 54-vjetorit të themelimit të Universitetit të Prishtinës ‘Hasan Prishtina’, kujtojmë me nderim të gjithë akademikët, profesorët dhe studentët ndër breza, që mbajtën mbi supe ngritjen dhe rrugëtimin e pakthyeshëm të këtij universiteti, i cili është pjesë e historisë sonë kombëtare, si dhe të gjithë ata që kanë kontribuuar në ngritjen e mëtejmë të tij”, ka shkruar kreu i PDK-së.
Ai ka uruar strukturat drejtuese të UP-së, profesorët dhe studentët aktualë.
Sot shënohet 54-vjetori i themelimit të Universitetit të Prishtinës “Hasan Prishtina”.
Universiteti i Prishtinës është universiteti më i madh në Kosovë dhe njëri nga më të mëdhenjtë në rajon.
Lexo dhe: Shënohet 54-vjetori i themelimit të Universitetit të Prishtinës
Viteve të fundit, UP-ja renditet ndër universitetet më të mira të rajonit.
UP është anëtar i Shoqatës së Universiteteve Evropiane dhe ka bashkëpunim me universitete dhe institucione perëndimore evropiane dhe amerikane.