“Kërcënimet” nga Shtetet e Bashkuara të Amerikës ndaj Qeverisë Kurti dhe sanksionet e Bashkimit Evropian duhet të jenë njëra ndër shkaqet që deputetët e opozitës të “ia shkurtojnë jetën kësaj Qeverie”.
Kështu deklaroi nga foltorja e Kuvendit, shefi i Grupit Parlamentar të PDK-së, Abelard Tahiri, i cili theksoi se “asnjëherë përvjetor më të zbehtë të pavarësisë nuk kemi pasur”, shkaku i partisë në pushtet.
“Jemi në prag të shënim të 16-vjetorit të pavarësisë të vendit tonë. Kush do ta kishte menduar 16 vite më parë që në 16-vjetorin e Pavarësisë së Kosovës që Kosova do të ishte vendi i sanksionuar nga BE-ja. Kush do ta kishte menduar 16 vite më parë që në prag të prag të përvjetorit të 16 të pavarësisë tonë, marrim kërcënimet më të ashpra më shkëputjen e partneritetit tonë me SHBA-të. Kjo është papranueshme dhe e patolerueshme, pra sot të marrim kërcënime siç kemi marrë dy herët e fundit, si në mbledhjen e Këshillin e Sigurimit nga SHBA-të… siç ishte edhe qëndrimi para dy netëve i James O’Brien… kjo është e papranueshme.
Ata janë duke e kërcënuar direkt Qeverisë e Kosovës për shkëputje të partneritetit. Por, fatmirësisht jo shtetin e Kosovës dhe jo qytetarët e Kosovës. Të nderuar kolegë deputetë nuk mund të rrimë duarkryq karshi kësaj situate. Edhe ne si deputetë të opozitës duhet të marrim përgjegjësitë tona dhe më të gjitha mjetet që kemi në duar, gjithmonë demokratike duhet të angazhomi t’ia shkurtojmë jetën kësaj qeverie. Pra, sot kemi një numër të marrëveshjes ndërkombëtare, çfarë kuptimi ka votimi i këtyre marrëveshjeve kur ne po sanksionohemi çdo ditë. Asnjëherë përvjetor më të zbehtë të pavarësisë nuk kemi pasur”, ka thënë Tahiri.