Armë të shumta u panë në 24 orëshin në duart e qytetarëve kosovar. Të paktën katër raste të tillë u raportuan në Policinë e Kosovës.
Gjatë kontrollit të një veture në Komoran të Drenasit, Policia hasi dy armë zjarri, një pistolete CZ me një karikator me 15 fishekë dhe një pistoletë me një karikator pa fishek.
Në Ballaban të Prishtinës arrestoi një tjeter pas dyshimit që i njejti kishte shtënë me armë zjarri.
Edhe aty u konfiskuan një AK-47, një pistoletë, 450 fishekë të kalibrit 7.62 mm, 8 fishekë të kalibrit 9×19 mm dhe disa gëzhoja të dy armëve.
E në Podujevë dikush u vetplagosë me pistoletë e cila është sekuestruar nga Policia bashkë me pesë fishekë, një predhë dhe një gëzhojë.
Kjo dukuri po konsiderohet shqetësuese nga njohës të sigurisë në vend, për cka sugjerohet që institucionet duhet të kujdesën më shumë për vetëdijësimin e qytetarëve.
“Megjithëse ndëshkushmëria ndërmjet kodit penal është mjaftë e lartë por po besoj që duhet të ketë edhe një harmonizim të politikës ndëshkimore në nivel të të gjitha gjykatave e të plotësohet ndoshta edhe me një amnisti të përgjithshme të mirëmenduar për ti sqaru qytetaret për pasojat”, tha Valdet Hoxha, ekspert i sigurisë.
E bashkëpunim më konkret të institucioneve të drejtësisë po kërkon Hysen Gecaj.
“Organët e hetuesisë sa do që e luftojnë këtë dukuri ato prap se prap duhet të kenë një bashkëpunim të ngushtë edhe me gjykatat dhe gjykatat poashtu të kenë një punë efikase dhe kështu të gjitha institucionet e shtetit të kenë një ndërlidhje njëra me tjetrën prej këtyre të sigurisë deri ato edukative dhe shkollore”, tha Hysen Gecaj, ekspert i sigurisë.
Ndërkohë vetëm në raportin e ditës së martë të Policisë së Kosovës pos rasteve të përmenduara edhe në Shtime një person është shoqëruar për një stacionin policor pasi i njejti dyshohet që ka gjuajtur me armë zjarri gjatë një ahengu.