Inspektorati i Tregut së bashku me Doganën dhe Policinë e Kosovës ka zhvilluar aksion në Prishtinë, Prizren e Gjakovë.
Gjatë këtij aksioni janë mbyllur 3 subjekte ekonomike dhe janë konfiskuar mallra.
“Gjatë këtyre inspektimeve të përbashkëta janë evidentuar mallra të ndryshme për të cilat pronarët e subjekteve ekonomike nuk kanë prezantuar dokumente të prejardhjes, e të cilat janë sekuestruar. Sasia e produkteve të konfiskuara deri më tani është mbi 800 copë (produkte të ndryshme) si dhe 350 gram metale të çmuara (argjend).
Gjithashtu, janë mbyllur me masë të përkohshme nga inspektorët e tregut 3 subjekte ekonomike pasi që të njëjtat konsiderohet se nuk iu kanë mundësuar inspektorëve të kryejnë punën e tyre zyrtare”, thuhet në njoftim.
Në njoftim theksohet se aksioni po vazhdon akoma në Prizren dhe Gjakovë.
“MINT mbetet e përkushtuar në luftimin e informalitetit në të gjithë sektorët e tregtisë me mallra dhe shërbime, të mbrojë të drejtat e konsumatorëve, të eliminojë praktikat e padrejta tregtare si dhe të garantojë ligjshmërinë e qarkullimit të mallrave dhe shërbimeve në treg”, thuhet më tej në njoftim.