Presidentja e Kosovës, Vjosa Osmani, ka njoftuar se Forumi i Grave, i Paqes dhe i Sigurisë do të rikthehet dhe do të mbahet më 15-16 prill në Prishtinë.
Ky forum hap dyert për pjesëmarrësit nga e gjithë bota, me qëllim që të adresohen çështjet që kanë ndikim të drejtpërdrejtë në sigurinë dhe mirëqenien e grave dhe të vajzave në mbarë botën.
Presidentja Osmani ka ndarë këtë njoftim në platformën X dhe, sipas saj, forumi do të ofrojë një platformë për diskutime dhe veprime lidhur me çështjet e grave dhe të vajzave, duke adresuar sfidat dhe duke promovuar paqen dhe sigurinë.
“Forumi i Grave, Paqes dhe Sigurisë po rikthehet! Më 15-16 Prill 2024, Prishtina do të hapë dyert e saj për pjesëmarrësit nga e gjithë bota për të adresuar çështjet që ndikojnë drejtpërdrejt në sigurinë dhe mirëqenien e grave dhe vajzave në mbarë botën”, ka shkruar Osmani në platformën X.
Gjithashtu, presidentja ka publikuar një video, në të cilën i quan vajzat dhe gratë heroina, dhe bën thirrje për angazhim global për përmirësimin e kushteve të tyre në shoqëri.
The Women, Peace and Security Forum is coming back!
On 15-16 April 2024, Prishtina will once again open its doors to participants from around the world to address issues that directly affect the safety and well-being of women and girls around the world. pic.twitter.com/m4ELQrat1S
— Vjosa Osmani (@VjosaOsmaniPRKS) February 26, 2024