Në seancën e Komisionit për Arsim, Shkencë, Teknologji, Inovacion, Kulturë, Rini dhe Sport, është trajtuar çështja e edukimit fizik në shkollat e të gjitha niveleve.
Përfaqësuesit e Fakultetit të Edukimit Fizik shprehën nevojën për një shtim të orëve për këtë lëndë.
Ata theksuan se kjo do të kishte një impakt pozitiv në shëndetin fizik dhe mendor të nxënësve.
Aktualisht, numri i orëve për edukim fizik është 2 në javë, ndërsa, sipas tyre, në Kroaci është 5 orë në javë.
Mes të tjerash, përfaqësuesit theksuan se ky ndryshim do të kontribuonte në luftën kundër obezitetit tek fëmijët dhe do të adresonte problemet shëndetësore të shkaktuara nga mungesa e aktivitetit fizik dhe përdorimi i tepërt i teknologjisë.
Në anën tjetër, ministrja e Arsimit, Arbërie Nagavci, nuk ka qenë pjesëmarrëse në këtë mbledhje të Komisionit.
Më parë, ministrja Nagavci kishte paralajmëruar një raportim në lidhje me këtë çështje.