Dy persona u vranë dhe pesë të tjerë u plagosën të shtënat në Uashington, DC, të dielën herët në mëngjes, bëri të ditur policia.
Të shtënat u raportuan rreth orës 3 të mëngjesit pranë kryqëzimit të rrugës 7 dhe P Northwest, pranë Qendrës Rekreative Kennedy, sipas Departamentit të Policisë Metropolitane.
Viktimat, të cilët të gjithë u përshkruan si të rritur, janë dërguar në spitalet lokale, tha ndihmës shefi ekzekutiv i policisë Metropolitane Jeffrey Carroll në një konferencë për media. Nuk kishte asnjë informacion për kushtet e tyre.
Është e paqartë se kush hapi zjarr ose çfarë çoi në të shtënat, të cilat ndodhën rreth një duzinë blloqe në verilindje të Shtëpisë së Bardhë. Policia nuk ka njoftuar për arrestime apo emërime të ndonjë të dyshuari për rastin.
“Ne po i kërkojmë kujtdo që mund të ketë ndonjë informacion në lidhje me këtë incident ose mund të ketë qenë dëshmitar i tij, të kontaktojë Departamentin e Policisë Metropolitane,” tha Carroll, raporton CNN.