Kusarit, çmimi iu dha nga Presidenti Federal Gjerman, Frank-Walter Sterinmeier.
“Çmimi është njohje e punës dhe motiv për të vazhduar aktivizmin. Jashtëzakonisht e nderuar dhe tejet falenderuese”, ka shkruar Kusari në rrjetin social Facebook.
Tutje Kusari ka thënë se është falënderuese për bursën Chevening që për herë të parë i është dhënë mundësia të studioj të drejtën e medias.
Pjesë e ceremonisë së ndarjes së këtij çmimi ishte edhe Ish-presidentja e Republikës së Kosovës, Atifete Jahjag.
Jahjaga tha se “Përpjekjet e saja pa frikë për drejtësi dhe liri të mediave, na kujtojnë rëndësinë e angazhimit të të gjithë neve në kultivimin e një shoqërie ku e vërteta mbizotëron”.
Me një postim në Facebook edhe ish ambasadorja e Kosovës në SHBA, Vlora Çitaku e ka uruar Kusarin duke thënë se është “Ndjenjë krenarie”.
“Gratë po e ndritin e lartësojnë Kosovën”, tutje ajo ka vazhduar “Flutur, vazhdo me fluturu, e me na lartësu”, ishin fjalët e Çitakut.
Në ceremoninë e ndarjes së çmimit ishin të pranishëm shumë figura të shoqërisë civile, mediave dhe nga politika.