Ish-komandanti i Zonës Operative të Llapit, Rrustem Mustafa, i njohur si “Remi”, ka kërkuar që ish-krerët e UÇK-së që po gjykohen në Hagë të rikthehen në Kosovë. Ai ka kërkuar po ashtu që Gjykata Specia t’i mbyllë të gjitha “të pavërtetat e prodhuara” për luftën e drejtë të Ushtrisë Çlirimtare të Kosovës (UÇK).
Përmes një postimi, Mustafa e ka thumbuar kryeministrin e vendit, Albin Kurti, duke e filluar shkrimin me fjalën “Në vend të kryeministrit”, duke nënkuptuar mungesën e përkrahjes nga ana e tij lidhur me këtë çështje.
Remi ka thënë se për shkak të kauzës së drejtë për çlirimin e Kosovës, UÇK-ja ka fituar përkrahjen e NATO-s.
“Veçantia e luftës për lirinë dhe pavarësinë e Kosovës, nëse analizohet në një paralele me historikun e luftërave për liri, ishte fuzionimi i UÇK-së dhe NATO përkundër kritikëve të kësaj aleance nga vende të fuqishme pro-ruse e antishqiptare”, ka thënë ish-komandanti i Zonës Operative të Llapit.
Ai ka shtuar se UÇK dhe NATO kanë arritur t’i paralizojnë, siç i ka cilësuar vetë ai, forcat e errëta e të dirigjuara nga Kremlini që nuk kurseheshin në investimet e tyre kundrejt lirisë së Kosovës.
Për më shumë, këtu mund ta lexoni postimin e tij të plotë: