Një person ka raportuar se në shtëpinë e tij, në bodrum, ka gjetur një shishe qelqi të mbushur me substancë të dyshuar narkotike të llojit marihuanë.
Rasti mësohet të ketë ndodhur në rrugën “Nëna Terezë” në Fushë-Kosovë, të enjten e 28 marsit në orën 22:30.
Në raportin e përditshëm të policisë thuhet se njësiti policor ka dalë në vendin e ngjarjes dhe ka konfiskuar marihuanën, e cila ka peshuar 61.31 gramë.
“Rr. Nëna Terezë, Fushë Kosovë / 28.03.2024 – 22:30. Një person mashkull kosovar ka raportuar se në shtëpinë e tij në bodrum, ka gjetur një shishe qelqi të mbushur me substancë të dyshuar narkotike të llojit Marihuanë. Njësiti policor ka dalë në vendin e ngjarjes dhe ka konfiskuar Marihuanën e cila ka peshuar 61.31 gramë. I dyshuari është intervistuar dhe me vendim të prokurorit është liruar”, thuhet në raportin e Policisë.