Prokuroria Themelore në Prishtinë ka njoftuar se pas hetimeve dhe grumbullimit të provave shtesë, si dhe pas riintervistimit të njërit nga të dyshuarit, Prokurori i Shtetit ka vendosur të dërgojë në mbajtje M.B., e dyshuar për veprat penale “Kanosja” dhe “Lëndimi i lehtë trupor”, sipas KPRK-së.
E dyshuara është dërguar në mbajtje në kohëzgjatje prej 48 orësh, derisa është intervistuar edhe një person i dyshuar i përfshirë në këtë rast.
Po ashtu, në këtë çështje penale janë marrë deklaratat e palëve të dëmtuara dhe në koordinim me policinë janë duke u ndërmarrë veprime të tjera hetimore.