Në seancën e kuvendit gjatë ditës pati debate me akuza e kundërakuza sa i përket procesit të subvencionimit të teksteve shkollore nga Ministria e Arsimit.
Opozita pati akuza të ashpra ndaj pushtetit, ku ndër të tjerë deputeti i PDK-së, Ardian Kastrati, pasi ua vendosi foltore fotografit të Dejona Mihali dhe ministres së Arsimit, Arbërie Nagavci, i akuzoi për “krim të organizuar” në procesin e subvencionimit të teksteve shkollore.
“Ky skenar është i organizuar. Ka erë të madhe të korrupsionit që shkon në krim të organizuar”, pati thënë deputeti i PDK-ë.
Kastratit dhe fotografive që la në foltore u reagoi deputetja e Lëvizjes Vetëvendosje, Mirlinda Tishukaj – Sadiku, teksa foli në terma superlativë për koordinatoren e Komiteteteve në LVV, Dejona Mihalin.
Sipas saj, edhe PDK-ja edhe LDK-ja ua kanë zili për Mihalin dhe se falë punës së saj VV-ja ka marrë mbi 50 për qind të votave.
“Nuk ndihna aspak mirë si femër, si grua, si bashkëshorte si neënë kur vendosen këto pano më pak nga një profesor, pseudoprofesor, që i edukon gjeneratat e reja, sepse këto janë nënat motrat tonë shqiptare.
E si duket PDK-ja na ka zili që kemi një kapacitet të tillë si Dejona Mihali. E cila ka qenë shefe e shtabit bashkë me Besnik Bislimin. Dhe pikërisht idetë dhe vizioni i saj na kanë sjellë te 51 përqindëshi. Prandaj nuk është e mirë një gjë e tillë që e bëni. Na e keni edhe ju LDK-ja, se ju jeni mbetë sa dy ekipe të volejbollit, as lojtarë rezervë nuk keni…”, ka thënë deputetja e VV-së.