Pasditën e 12-të prillit, në Zubin Potok është arrestuar një person, nën dyshimin se i njëjti ka ushtruar dhunë fizike ndaj gruas po ashtu gjatë bastisjes në shtëpinë e të dyshuarit është gjetur edhe një pushkë gjuetie me 27-fishekë gjuetie.
“Zubin Potok 12.04.2024-16:00. Është arrestuar i dyshuari mashkull kosovar, nën dyshimin se i njëjti ka ushtruar dhunë ndaj viktimës-bashkëshortes së tij shtetase e Shqipërisë. Njësitet policore po ashtu gjatë bastisjes në shtëpinë e të dyshuarit kanë gjetur dhe konfiskuar një pushkë gjuetie dhe 27-fishekë gjuetie cal-12mm”, thuhet në raportin e policisë.
Sipas raportit të Policisë së Kosovës, në konsultim me prokurorin, palët pas intervistimit janë liruar në procedurë të rregullt.