Në orët e hershme të mëngjesit në Zveçan është dëgjuar një shpërthim në një oborr të një shtëpie në Zherovnicë të Zveçanit, e cila dyshohet se është shkaktuar nga një granatë dore.
Këtë e ka konfirmuar për Portalin Dukagjini, zëvendësdrejtori i Policisë për rajonin e veriut, Veton Elshani, i cili ka thënë se nga shpërthimi ka pasur vetëm dëme materiale.
Rasti po hetohet nga policia.
“Sot në orët e hershme të mëngjesit në Zveçan, respektivisht Zherovnicë, është dëgju një shpërthim. Dyshohet se shpërthimi është shkaktuar nga një granatë dore, e cila është hedhur në një oborr të një shtëpie. Dëme të vogla materiale janë shkaktu, ndërsa nuk ka të lënduar në njerëz. Njësitë relevante të policisë kanë dalë në vend të ngjarjes dhe janë duke u marrë me rastin”, ka njoftuar policia.