Kur vie puna për të gjobitur qytetarët që gjatë ngasjes në trafik bëjnë kundërvajtje, zyrtarë të Policisë së Kosovës nuk hezitojnë që ta kryejnë punën e tyre.
Por, shpesh gjatë patrullimit të njëjtit është vështirë të shihen nga ngasësit pasi ata fshihen në lokacione të ndryshe.
Mirëpo kjo po del të jetë në kundershtim me rregulloren për operativë të Policisë, e cila e specifikon se patrullat e policisë duhet të qëndrojnë në pozicione të dukshme.
Rregullorja për Operativë në Policinë e Kosovës
“Ekipet patrulluese kryesisht patrullojnë në këmbë, duke qëndruar në vende publike të dukshme, në mënyrë që prezenca e tyre të ndikojë pozitivisht në sigurinë e qytetarëve, si dhe të jetë si proaktive në parandalimin e veprimeve të kundërligjshme. Shpërndarja e ekipeve patrulluese bëhet varësisht prej nevojave dhe situates”
Sipas ish-kryeshefit të Inspektoratit të Policisë së Kosovës, Valdet Hoxha, një gjë e tillë është bërë praktikë, e cila ai kërkon që të ndërpritet.
Valdet Hoxha – Ish-Kryeshef i IPK-së shtoi se “Është praktikë shumë e gabuar sepse krijon përceptimin e një mentalteti gjobitës që do të duhej të jetë e kundërta pra preventiva. Nuk ka asgjë të keqe nëse qytetarët e identifikojnë vendin e patrullës policore dhe arrihet efekti me uljën e shpejtësisë”.
Madje, ai sugjeron që në këso rastësh qytetarët t’i lajmërojnë në institucionet përgjegjëse.
Valdet Hoxha – Ish-Kryesues i IPK-së tha se “Çdo qytetar që dyshon që mund t’i jetë bërë e padrejtë duhet të adresohet qoftë në Inspektorat apo Polici pastaj në bazë të kompetencave delegohet tek njesiti përkatës”.
Vetëm në 24 orët e fundit, Policia ka shqiptuar gjithsej 1910 gjoba trafiku.