Zafir Berisha, ish-zëvendësministër i Punëve të Brendshme e ish-deputet i Kuvendit të Kosovës është arrestuar, të mërkurën në Prizren.
Zëdhënësi i Policisë së Kosovës për Rajonin e Prizrenit, Vesel Gashi ka thënë për Portali D se i njëjti është arrestuar pasi ka sulmuar policët gjatë detyrës zyrtare.
Sipas Gashit, zyrtarët policorë kanë qenë duke u marrë me kundërvajtje në trafik dhe në këtë rast qytetarit i është shqiptuar gjobë për kundërvajtje.
Por i njëjti në shenjë pakënaqësie i ka ofenduar dhe i ka sulmuar zyrtarët policorë.