Gjykata Themelore në Prishtinë i ka caktuar masën e paraburgimit të dyshuarit për “Dhunë në familje”.
Gjyqtari i procedurës paraprake ia ka caktuar masën e paraburgimit në kohëzgjatje prej 30 ditësh.
“Gjykata ka vlerësuar se ekzistojnë kushtet dhe arsyet ligjore për caktimin e paraburgimit përkatësisht përpos dyshimit se ka kryer veprën penale, në rastin konkret ekziston edhe dyshimi i bazuar se më lënjën e tij në liri, i pandehuri do të pengojë rrjedhën e procedurës penale duke ndikuar në të dëmtuaren dhe dëshmitarët, si dhe ekziston rreziku se nëse i pandehuri do të jetë në liri mund të përsëris veprën penale, andaj gjykata vlerësoj se si masë e vetme është paraburgimi, e cila masë do të siguronte praninë e të pandehurit A.Z. në procedurë dhe mos përsëritjen e veprës të njëjtë apo të tjera në raport me të dëmtuaren”, thuhet në njoftim.
Kundër këtij aktvendimi palët e pakënaqura, kanë të drejtë ankese nè Gjykatën e Apelit-Kolegji Penal, përmes Gjykatës Themelore në Prishtinë – Dega në Gllogoc.