Thirrjet e politikanëve perëndimorë për dërgimin e trupave në Ukrainë janë “një llogaritje cinike për dividentë politikë”. Kështu vlerëson zëvendëskryetari i Këshillit të Sigurimit të Rusisë, Dmitri Medvedev.
Ai potencoi se ajo që po ndodh në Perëndim është degradim total i klasës sunduese.
“Kori i të poshtërve të papërgjegjshëm nga elita politike perëndimore, të cilët bëjnë thirrje që trupat e tyre të dërgohen në një vend inekzistent, po zgjerohet. Ai tani përfshin përfaqësues të Kongresit të SHBA, udhëheqjen franceze dhe britanike, të çmendur individualë nga Shtetet baltike dhe Polonia po bëjnë gjithashtu thirrje për përdorimin aktiv të armëve të tyre raketore… dhe kjo është një llogaritje cinike për dividentët politikë. Dërgimi i trupave tuaja në territorin e ish-Ukrainës nënkupton hyrjen e drejtpërdrejtë të vendeve të tyre në luftë, së cilës ne do të duhet t’i përgjigjemi, asnjë prej tyre nuk ka strehë as në Capitol Hill, as në Pallatin Elysée, as në Doëning Street”, tha Medvedev në Telegram, transmeton RIA Novosti.
Politikani theksoi se ish-presidentët rusë dhe amerikanë nga epoka e Luftës së Ftohtë, Nikita Hrushovi dhe John Kennedy, ishin në gjendje të kuptonin situatën në një moment.
“Por budallenjtë aktualë infantilë që kanë marrë pushtetin në Perëndim thjesht nuk duan të kuptojnë. Dhe kjo është arsyeja pse sot Shtabi i Përgjithshëm filloi përgatitjet për stërvitje, duke përfshirë aktivitetet për testimin praktik të përgatitjes dhe përdorimit të armëve bërthamore jostrategjike”, tha Medvedev.