Çfarë sherri i ka bërë Gjermania Kosovës, sipas Haxhiut?
Publicisti Baton Haxhiu, ka detektuar se kush ka qenë shkaktari më i madh që i ka bërë dëme Kosovës, sipas tij, kishte qenë ish-Kancelarja e Gjermanisë, Angela Merkel, e cila i ka bërë dëme duke e privilegjuar Serbinë në raport me Kosovën, ku këtë të fundit e ka anashkaluar tërësisht.
Sipas Haxhiut, Gjermania vazhdimisht është duke e dëmtuar Kosovën, më qasje raciste pasi vetëm punëtorët e kualifikuar është duke i marrë edhe rininë, ndërsa për të tjerët ka regjim të vizave.
“Ajo me këtë qasje është duke dëmtuar mjekësinë pasi po i merr mjekët, po t’i dëmton resurset, dhe nuk është duke investuar asgjë në Kosovë që kapacitetet të funksonalizohen. Kjo tregon se Gjermania ka qenë dashakeqëse, kjo është më e pakta që mund të themi”, ka thënë Haxhiu në Debat Plus.
Tutje Haxhiu ka thënë se jeta e procesit të Berlinit ka vdekur në Berlin kur Kryeministri i atëhershëm i Kosovës, Ramush Haradinaj e kishte refuzuar që ta pezullonte taksën 100 për qind për produktet nga Serbia.
Ai më tej ka treguar se pas vdekjes se procesit të Berlinit kishte lindur ideja e Ballkanit të Hapur.
Haxhiu ka ngritur një pyetje pse duhet të frikësohemi nga Ballkani i Hapur, duke shtuar se “kur ne mund të funksionojmë si 7 milionë shqiptarë të bashkuar në një hapësirë ekonomike të lirë e politike dhe nëse jemi aq të zellshëm e patriotë të funksionojmë e ta bëjmë atë që duhet”.