Qeveria e Kosovës është duke përgatitur një draft-statut lidhur me Asociacionin e Komunave me shumicë serbe dhe i cili do të dorëzohet në Gjykatën Kushtetuese për shqyrtim deri në fund të këtij muaji.
Drejtori i Iniciativës Evropiane për Stabilitet, Gerlad Knaus ka reaguar lidhur me dërgimin e draftstatusit të Asociacionit në Gjykatën Kushtetuese duke thënë një gjë të tillë nuk do ta pëlqej presidenti i Serbisë, Aleksandar Vuçiq.
“Vuçiqit nuk do t’i pëlqejë. Çështja është atëherë: a është për krijimin e një Asociacioni të komunave me shumicë serbe?”, shkruan Knaus.
Knaus shkruan se me këtë Kosova përmbush kërkesat dhe premtimet e bëra që nga viti 2013.
“Në këtë drejtim, Qeveria e Kosovës është duke përgatitur një draft Statut mbi Asociacionin e Komunave me Shumicë Serbe (në kontekstin e obligimeve të parashikuara në nenet 7 dhe 10), i frymëzuar nga Fondacioni Friedrich Ebert, i cili do të dorëzohet në Gjykatën Kushtetuese për shqyrtim deri në fund të majit, 2024”, ka shkruar Knaus.
Breakthrough 🇽🇰🇪🇺
“In this regard, the Government of Kosova is preparing a draft Statute on the Association of Serb Majority Municipalities (in the context of obligations envisaged in articles 7 and 10), inspired by the Friedrich Ebert Foundation, which will be submitted to the… pic.twitter.com/EOROLUsDSa
— Gerald Knaus (@rumeliobserver) May 16, 2024