Kryeministri i Shqipërisë, Edi Rama, ka njoftuar se është hapur rruga në Has që lidh Kosovën me Shqipërinë.
Kjo rrugë thotë Rama afron Kosovën e Shqipërinë jo vetëm fizikisht, por edhe ekonomikisht.
Kjo rrugë lidh gjashtë fshatra të Hasit, Kukësit, Prizrenit dhe Dragashit.
“Një angazhim i marrë gjatë mbledhjes së përbashkët mes Qeverisë Shqiptare dhe Qeverisë së Kosovës, që tashmë afron edhe më shumë dy vendet tona jo vetëm fizikisht por edhe ekonomikisht duke lehtësuar lëvizjen e qytetarëve në të dyja anët e kufirit, sidomos për gjashtë fshatrat e thellë Zapod, Kerstec, Pogaj, Gorozhup, Dobrune, Blinishte, të bashkive Has, Kukës si dhe Komunat e Prizrenit dhe Dragashit në Kosovë,” ka shkruar Rama.