KFOR-i mohoi se ndërmjetësuan për ikjen e grupit terrorist nga Banjska.
Zv.ministër i Administrimit të Pushtetit Lokal, Arbër Vokrri, ka thënë se ka pasur biseda me disa pjesëmarrës të Policisë së Kosovës, rreth kësaj ngjarjeje.
Në pyetjen e Gashit drejtuar, Vokrrit se si ikën “terroristët” nga sulmi i Banjskës, zv.ministri Vokrri nuk shprehet edhe aq i qartë.
“Prej bisedave që i kam pasur me pjesëmarrës të Policisë së Kosovës në ngjarjen e Banjskës dhe disa komandantë të tyre, nuk ka pasur asnjë koordinim apo negociim me terroristët apo agresorët, pra njerëzit e Radojçiqit, madje aksioni ka qenë aq i rrëmbyeshëm sa edhe me vet bazën e Policisë së Kosovës nuk ka qenë 100% koordinimi, më vonë është plotësu,” tha Vokrri.
Sipas tij, Policia e Kosovës ka pasur komunikim me KFOR-in, por ata[KFOR] kanë thënë se kjo nuk është punë për ta.
“Ka pas komunikim me KFOR-in, po i referohem bisedave që i kam pasur me policët, KFOR-i sipas policëve që kam biseduar me ta, ka thënë kjo është punë për ju, jo për ne.”
Por, Vokrri nuk ka tregu si si terroristët ikën nga rrethimi i policisë së Kosovës për të cilin kishte folur vet kryeministri Kurti në ditën kritike, kur kishte kërkuar dorëzimin e terroristëve pasi që ishin të “rrethuar” nga policia.