Komuna e Zveçanit sot ka nënshkruar memorandum bashkëpunimi me Ministrinë e Financave, për të bërë funksionale Zyrën për Punësim në kuadër të komunës.
I pranishëm ishte zv.ministri i Financave, Agron Dobruna.
E njëjta ka ndodhur edhe në Komunën e Leposaviqit dhe pritet të ndodhë edhe në komunat e tjera.
Zyrat do të hapen për qytetarë sapo të jenë gati teknikisht.
Dje, Qeveria e Kosovës ka ftuar të gjithë punëdhënësit dhe punëkërkuesit në komunat e Mitrovicës së Veriut, Leposaviqit, Zubin Potokut dhe Zveçanit të regjistrohen në Zyrat e Punësimit në komunat e tyre, për të aplikuar për masën e punësimit për qytetarët e këtyre katër komunave.
Masa ofron mundësinë e subvencionimit të 70% të pagës së punëtorëve të angazhuar për një periudhë prej gjashtë muajsh.