Lufta speciale e Serbisë kundër shtetit të Kosovës është duke u toleruar nga ndërkombëtaret dhe të njëjtit po i japin hapësirë shtetit serb që t’i dëmtojnë institucionet e Kosovës ka deklaruar deputeti Fatmir Humolli, teksa ka komentuar arrestimin e dy “spiunëve” shqiptarë të BIA-s serbe – njëri prej është dëshmitar në Gjykatën Speciale.
Sipas Humollit, Serbia përmes aleatëve të saj është duke e penguar Kosovën të integrohet në institucionet euroatlantike.
“Është duke parë pozicionin e bashkësisë ndërkombëtare e cila është jokorrekte në raport me Kosovën. Janë duke u sjellë në një pozicion që me i kriju Serbisë hapësirë për këto veprime, për ta dëmtuar shtetin e Kosovës. Tash, Serbia bën veprime me qëllim mos me lënë avancimin e Kosovës për shkak se këto mike që i ka renda NATO-s, BE-së Serbia i gjen këto elemente pretekste për me pengu Kosovën me ec përpara. Jo rastësisht është prej BE-së janë sanksionet ndaj Kosovës, që lufton për të drejtën e vet, kurse nuk bën bankine ndaj Serbia, e cila e ka sjellë grupin diversant, e ka sulmuar KFOR-in këtu dhe praro është tolerant ndaj kësaj politike hegjemoniste serbe.
Krijimi i Gjykatës Speciale është luftë speciale që është zhvilluar prej Serbisë përmes miqve të saj dhe ka nderuar një gjykatë për ta luftuar luftën e UÇK-së dhe jo individët e UÇK-së”, ka thënë Humolli në “FIVE” të Dukagjinit.
Humolli ka thënë se edhe disa politikanë e persona publikë me vetëdije apo pavetëdije janë duke u bërë marioneta të shtetit serb dhe BIA-s.
“Goditja e UÇK-së dhe urrejtja ndaj veteranëve është investim i Serbisë”, ka shtuar Humolli.