Ministrja e Jashtme, Donika Gërvalla Schwarz, në Strasburg ka takuar presidentin e Asamblesë Parlamentare të Këshillit të Evropës (PACE), Theodoros Roussopoulos.
Gërvalla, përmes një postimi në “Facebook”, ka shkruar se kanë diskutuar finalizimin e procesit të anëtarësimit të plotë të Republikës së Kosovës në Këshillin e Evropës.
Gërvalla, së bashku me nënkryetaren e Kuvendit të Kosovës, Saranda Bogujevci dhe ambasadorin Lulzim Hiseni, kanë shprehur mirënjohje për rolin dhe mbështetjen e presidentit Roussopoulos në sigurimin e një procesi të drejtë dhe meritokratik brenda PACE.