Në seancën gjyqësore në Hagë, Jakup Krasniqit iu hoq kollarja me simbolin e shqiponjës.
Avokati Xhevdet Smakiqi, në “Rreth e Rrotull” thotë se ky vendim nuk ka qenë i Gjykatës, por i stafit të sigurimit.
“Ky nuk ka qenë një vendim i Gjykatës apo dhomave të Specializuara, ka qenë një vendim i stafit të sigurimit që janë brenda dhomave të specializuara, pra nuk ka qenë një vendim i gjyqtarit,” ka thënë Smakiqi.
Ai thotë se e konsiderojnë antiligjore e që sipas tij nuk ekziston ndonjë ligj që merret me kollaret, simbolet apo veshjen e të dyshuarve në Hagë.
“E konsiderojmë si diçka antiligjore dhe cenim i dinjitetit dhe integritetit personal të Jakup Krasniqit, sepse është shkelje ligjore se nuk ekziston asnjë dispozitë në ligjin për dhomat e specializuara që jep kompetenca qoftë edhe qendrës së paraburgimit që të merret me kollaret apo simbolet apo veshjen e të dyshuarve në Hagë.”
Teksa shton se kjo është tërësisht e pabazuar në ligj dhe “ndoshta një tentativë për ta cenuar krenarinë e Z. Jakup Krasniqit.”