Instituti Kombëtar I Shëndetësisë Publike të Kosovës [IKSHPK] ka njoftuar se në dy javët e fundit të muajit gusht, respektivisht nga 7 deri me 20 gusht, janë raportuar tri raste të vdekjes me COVID-19 dhe 661 raste pozitive.
IKSHPK-ja, përmes një postimi në rrjetin social “Facebook”, ka njoftuar se nga 661 raste pozitive me COVID-19, prej tyre grupmosha më e prekur janë; 119 raste nga mosha 50-59, 116 raste nga mosha 20-29 si dhe mosha meshatare 49,3.
“Vaksinimi vazhdon të jetë masa mbrojtëse me efikase kundër COVID-19 dhe gripit, veçanërisht ndaj formave të rënda të sëmundjes. Mbrojtja përmes vaksinës e individëve në rrezik të lartë të rezultateve të rënda (si p.sh. të moshuarit) mbetet i rëndësishëm”, vijon njoftimi.
IKSHPK-ja ka rekomanduar edhe disa masa:
- Ngritje e vigjilencës nga ana e punëtorëve shëndetësorë me qëllim të mbrojtjes së shëndetit të qytetarëve dhe parandalimit të infeksioneve
- Rastet që rezultojnë pozitiv në SARS-CoV-2 rekomandohet të izolohen për 5 ditë, kurse kthimi në aktivitetet normale pune të bëhet sipas rekomandimit të mjekut/klinicistit
- Të respektohen masat mbrojtëse (pastrimi i duarve, mbjajtja e maskave…), si dhe reduktimi i vizitave të familjarëve në institucionet shëndetësore që merren me trajtimin e rasteve me COVID-19
- Rastet që rezultojnë pozitiv në SARS-CoV-2 rekomandohet të izolohen për 5 ditë, kurse kthimi në aktivitetet normale pune të bëhet sipas rekomandimit të mjekut/klinicistit
- Mos të qëndrohet në ambiente të mbyllura dhe ku ka grumbullime, ku mundësia e infektimit është më e madhe
- Të vaksinohet dhe rivaksionohet popullata, me theks të veçantë për grupet e rrezikut (personat me sëmundje kronike jo-ngjitëse, personat mbi 65 vjeç
- Personat me shenja të sëmundjes të testohen”, vijon njoftimi.